In sa corte b’hat una femina
che un’istatua ‘e chera sezzida
in sa corte b’hat una femina
isettande chie l’isettat

Mannu est su dolu
e tottu s’eccetera
poveru unu
e s’iscura s’atera

In sa corte b’hat un omine
‘irde che una monzitta ‘e ramine
chi sa baba li falat a flumenes
in sa corte b’hat un omine

Poveru unu
e s’iscura s’atera
malu est su dolu
e peus s’eccetera

Sicche colana sas oras
morighende sa die
sicche ‘olan sas isperas
dae sa corte donzunu torrat
dae sa corte donzunu a domo sua

Tue has a biere cras manzanu
e a sero sì e a sero ei
manos in manu inue est sa corte
duos betzos in su giannile

Isettande ti so.

(2002 – di Franco Castia e Mario Chessa)