Privacy Policy
Gentarrubia (I got you baby)

Subra sas biddas e sas presones
Fin’a s’umbra de sos muristenes
Gai a s’aranzu e sos olidones
Chi non dana su matessi mele

Beni gentarrubia
Bola lebia, gentarrubia

Subra sos pisches in su mare
E finzas pro sa barca, pro sa rete
Batti unu fogu de coette
Pro nos ischaldire a l’abbaidare

Bola gentarrubia
Beni lebia, gentarrubia

Dae su chelu susu meu
‘Olacchelu tottu s’anneu
Ei dae sas nues ‘essilu ‘oe
‘Ess’in donzue s’arcu de sole

Sutta sas pedras de sos nuraches
Issos nos ‘idene dae s’artu
Sutta sas fozas de sos neulaches
Issos nos abbaidana dae s’artu

Beni gentarrubia
Bola lebia, gentarrubia

Deo m’agato una terra mala
De unu mundu ‘e bene in sara
A sutta de custas alas
M’agato una terra mala.

(1998 – di Franco Castia e Sonny Bono)

© 2020 - Bertas Official Website - Tutti i diritti riservati

Legge 124/2017 Privacy Policy