Comandante

Comandante non b’hat omine né fante
Manc’un’anima dae tennere latitante
In custa solidale ‘e Ghennarghentu
Solu framas a denante, fattu su ‘entu

Nadu los hamos chi semus soldados
E isse importante
Nos hat battidu cosidas in palas
Dae continente
Istellas cantu su firmamentu
A su chelu de Ghennarghentu
Ma s’inimigu t’hat inghiriadu
E non balet a li fagher fogu
Comandante

Las hamos bidas sas umbras chi falant
A su Supramonte
Colandesinde che abba in sa ‘ula,
E sa ‘ula brusiande
Las hamos bidas subra sa fronte
Sutta sa manu ‘e unu comandante
E intr’a sos ocros a s’orizzonte
Cando un omine forte pranghet
Non si narat.

(1998 – di Franco Castia e Mario Chessa)

© 2020 - Bertas Official Website - Tutti i diritti riservati

Legge 124/2017 Privacy Policy