Umbra, chie ses?
Oh sa umbra chie ses?

So un’idea
So s’ispiju ‘e s’anima
So su sole ‘e mesudie
S’unda in una lagrima

Ses che una Dea
Ses sa prima e s’urtima
Ses sa mama de su nie
Ses unu fantasima,
Mi lu naras

Umbra, chie ses?
Oh sa umbra chie ses?

Una maja
Chi su tempus firmada
Ses sa sola maladia
Chi sos males sanada

Son’a custa domo
Son’a custa gianna
Non mi lasses solu cun sas framas
De unu fogu atzesu
Chena sa linna,
Non m’iscultas?

Umbra, chie ses?
Oh sa umbra chie ses?

Fin’a cando vivo
Fin’a cando bi ses tue
Donzi istella de su chelu cherzo chi ruat
A disizu tou
Fin’a chi non mi nerzas chie ses
Non m’intendes?

Umbra, chie ses?
Oh sa umbra chie ses?

(2002 – di Franco Castia, Mario Chessa e Marco Piras)