Apocalisse

Nachi chi fit su menzus
Su menzus ‘e tottu, fit tottu isse
Chin sa cara de un angheleddu
S’anghelu fit ‘e s’Apocalisse

S’anghelu ‘e domo, mih no!
Non cherzo a lu toccare
Su bellu ‘e domo, ca si no…

Nois ateros fimis malos che battos

Isse semper istraccu
Nois che sos maccos marciande in riga
Sies brillante o tontu che nappu
Su chi non furat ti che lu frigat

Non lu tocchedas a fizu meu
Lassedimil’istare
Su corigheddu ‘e mama sua

Nois ateros fimis peus de sos battos
Isse no, no nde benden gai de tuccaru

Cando su pretore
Hat sanadu sa chistione
Non l’est andada sa manera
Mesches pro sa carriera
Finida in sa presone

Nachi chi fit su menzus
Su menzus ‘e tottu, fit tottu isse
Chin sa cara de un angheleddu
S’anghelu fit ‘e s’Apocalisse

S’anghelu ‘e domo, mih no!
Lassedimil’istare
Su bellu ‘e domo, ca si no…

S’angheleddu como ‘olada
In sa menzus gabbia olada.

(2002 – di Franco Castia, Mario Chessa e Marco Piras)

© 2020 - Bertas Official Website - Tutti i diritti riservati

Legge 124/2017 Privacy Policy